ໂຄງການສ້າງສື່ການຮຽນ-ການສອນໃນຮູບແບບເອເລັກໂຕຼນິກ ໄດ້ຮັບການເຫັນດີຈາກການຈັດຕັ້ງຂັ້ນເທິງ ຈິ່ງໄດ້ລິເລີ່ມປະຕິບັດຕາມຂໍ້ຕົກລົງຮ່ວມກັນລະຫວ່າງ ກົມການສຶກສານອກໂຮງຮຽນ ກະຊວງສຶກສາທິການ ແລະ ກິລາ ແລະ ສູນໄອຊີທີ ພະແນກສຶກສາທິການ ແລະ ກິລາແຂວງຫຼວງພະບາງ ເລີມແຕ່ວັນທີ 2 ເດືອນ 8 ປີ 2021 ເຖິງວັນທີ 30 ເດືອນ 11 ປີ 2021 ເຊີ່ງມີຈຸດປະສົງ ເພື່ອສ້າງສື່ການຮຽນ-ການສອນ ໃນຮູບແບບດີຈີຕອນ, ເພື່ອນຳໃຊ້ເປັນສື່ການສອນໃນຊ່ວງໄລຍະພະຍາດໂຄວິດລະບາດ ນັກຮຽນສາມາດຮຽນດ້ວຍຕົນເອງຢູ່ບ້ານ ແລະ ເພື່ອສ້າງສືການຮຽນ-ການສອນໃນໄລຍະຍາວຕາມຫຼັກສູດການສຶກສານອກໂຮງຮຽນຂອງຊັ້ນມັດທະຍົມຕົ້ນ (ມ1 – ມ4). ເຊິ່ງມີທັງໝົດຈຳນວນ 4 ວິຊາຄື: ວິຊາຄະນິດສາດ, ຊີວະສາດ, ພາສາລາວ, ວັນນະຄະດີ ແລະ ວິຊາການເຮືອນຈຳນວນໜຶ່ງ ເພື່ອໃຫ້ນັກຮຽນນຳໄປຕໍ່ຍອດຄວາມຮູ້ໃຫ້ກາຍເປັນວິຊາຊີບຕິດຕົວໄດ້ ເຊັ່ນ: ວິທີການເຮັດເຂົ້າໂຄບ, ວິທີການເຂົ້າຂຽບ, ວິທີການແຈ່ວບອງ ແລະ ວິທີການເຮັດເຂົ້າໜົມຂີ້ໜູ ເປັນຕົ້ນ ເພື່ອເປັນບົດຮຽນໃຫ້ຄວາມຮູ້ແກ່ຜູ້ທີ່ບໍ່ມີອາຊີບເສີມ ເຊິ່ງໃນແຕ່ລະຄິບຈະມີການສາທິດວິທີ່ການເຮັດລະອຽດ ແລະ ສາມາດນຳໄປປະຕິບັດຕົວຈິງໄດ້

ພາຍຫຼັງຖ່າຍທຳ ແລະ ຕັດຕໍ່ວິດີໂອການສອນແຕ່ລະວິຊາແລ້ວ ໃຫ້ສ້າງເວັບໄຊ, ຊ່ອງຢູ່ທູບ ແລະ ເຟດບຸກ ເພື່ອອັບໂຫຼດວີດີໂອລົງເຜີຍແຜ່ໃຫ້ຄູອາຈານ, ນັກຮຽນ ແລະ ສັງຄົມທົ່ວໄປຜູ້ທີ່ສົນໃຈສາມາດເຂົ້າໄປສຶກສາຮ່ຳຮຽນໄດ້ທຸກທີ່ ທຸກເວລາ.